Al berce (Paroles da Joseph Calozet, air da Ernest Montellier) Cwand vosse moman vs berceye, Adoirmez-ve è riyant. L' andje, li tiesse dizo l' aiye Clôt l' ouy è ramadjant Cwand vs braiyez, dji so dzoûrnéye Mi ptit, dji vos inme tant! Fjhez-mu ene pitite riseye Po m' soladjî, mi èfant! L' andjluss a ddja soné Après l' solea coûtchant. Do côp k' il a fwait s' djoûrnéye Papa rvint dlé s-t èfant Dji srè bén toûmintéye S' i vs ôt braire è rintrant Alons, dji vos berceye Doirmez dlé vosse moman! Vos påpires sont hodeyes Eles sont clôses a mitan Vos ptitès mwins potléyes N' è plèt pus, mi èfant K' les andjes avou leus aiyes Passinxhe è vs caressant Èt k' i vninxhe è voléyes Rinde vosse front soriyant!