Et cwand l' fåve est foû, Å piket do djoû, Les Madames sont-st evoye Ås aires d' on djoû sins djoye... Moussant foû des brouheurs, Li Chevalier en årmeure Abroke so s' blanke monteure, C' est on foirt valiant signeur Kitchessant avou s' lame, Li Cwate-peces ki raetche des blames... Awè, volchal ki språtche et hatche... L' Ome s' amoenne divant l' Dragon Ki l' vout rosti come on poyon... Avou s' Palasse, i språtche et hatche... Al visse et sins sogne, i l' ahesse, Al vasse, i fout djus l' tiesse del biesse, Cou dzeur, li Dragon scheut-st al tere, Cou dzo et les cwate fiers e l' air, Et hatch, raetche co deus aloumires Et match, bize evoye e foumire...