Djîle Copiche i s' dispiete a shijh eures po bouter.
I ploût co et c' est come s' i ploureut tot costé.
Djîle Copiche i vicote a Tcheslet ou Serè
Avou s' feume, troes efants, deus soris et on tchet.
Djîle boute dispu vint ans dins l' minme fabrike d' acî
Ki kéke feye djocrè dmwin d' raetchî so li stoelî.
Djîle Copiche pinse a s' pa, on houyeu tote si veye,
Ses peumons tchamossés tournés a araegnreye.
Djîle Copiche pinse a s' fi ki n' vout nén ddja bouter
Ni e scole ni ôte påt i s' dimande pocwè.
Djîle a bén ses plaijhis: li loto l' cabaret.
Pocwè fåt-i k' pa côps i s' sinte emacralé?
Djîle rapinse k' i s' aveut prometou d' voyaedjî.
Tot rotant dins les basses, i sondje ås tchôds payis.
Djîle comaxhî al plouve si dmande s' il e-st e vike.
Èn ombion passe li poite et moussî el fabrike.