El bouneur est råle (W. Dunker) =================== Dji n' tchantrè pus Mamzele po vos beas iys, Dj' a tot pierdou Eyet c' est po todi K' vos estoz voye Di l' ôte costé del tere, Èm cour ès noye Ey adon dj' vôreu braire. Mes iys sont setchs, Dji vos inmeut trop foirt Mågré vos betches, Asteure l' amour est moirt. Dji n' sai pus cwè fé, Dji n' sai pus cwè dire, Èm amour a sketé, Dji vôreu co bén l' vir, Mins l' bouneur est å diale, C' est ene sacwè d' si råle, On vôreut l' ertinu, Il est ddja foutu djus... Il est ddja foutu djus... Dj' a tot pierdou Eyet c' est po todi... Dji n' tchantrè pus, Mamzele po vos beas iys... Mi, dj' aveu peu Di télmin vir voltî, Mins esse peureu N' ersaetche nén les dandjîs... Si enawaire, Ele esteut dins mes brès, Asteur tofer, Dins m' reve, dji cache après... Ès sovni dmeure, Come el pus bea trezôr, Å fond des beurs, Des fosses d' årdjint et d' ôr... Låvå dins l' tiesse Do powete disbåtchî Ki vôreut resse Avou leye, mins todi, El tins passé S' eva 'yet n' ervént pus... 'Yet ses beas djoûs s' piednut...