Fumier, flate blues (Compost Binde) =================== Dji n' so k' on tot ptit cinsî Avou sacwantes målureuses biesses, Et po m' dispierter l' måtén, dj' a bén sovint må m' tiesse. Mins dispu des anêyes, ci ki dji voe voltî C' est l' Rock'n'Roll et l' Boogie Woogie Et dji vôreu saetchî mes deus pîs foû del bouze Et fé do blouze... Fumier, flate, bouze! Dispu k' on est maryîs, mi feme m' a todi fé s' mouzon, Paski tos les semdis å niût, dji djouwe d' l' acordeyon Mins ci ki dj' voe voltî dispu des anêyes C' est l' Rock'n'Roll come Djonia Lidé Et dji vôreu rsaetchî mes mwins foû del bouze Et fé do blouze... Fumier, flate, bouze! Cwand m' bele-mere ki n' etind rén met trop foirt Dalida t' pous esse seur ki mes biesses ni dinront pont d' laecea! Çk' elzî fåt, c' est les Stones, eyet Gun & Roses Adon l' torea dvént sot et fwait sorti s' penis Mo dj' m' è fout, dj' a mes pîs nåjhîs del bouze Et dj' vou fé do blouze... Fumier, flate, bouze! I gn a des cinses ki vindnut des prodûts biyolodjikes. Mi, mes pourceas sont-st ecråxhîs avou del muzike! Dji m' va fé des djambons "Label Rock'n'Roll" Todi meyeus k' les cias aclevés dins des gayoles Les malådes n' åront k' a s' coler des vantouzes Et tchanter do blouze... Fumier, flate, bouze! Cwand dji serè moirt, dji vou k' on m' etere dins l' ansenî Et k' on skete des botayes e tchantant Buddy Holly! Et po m' feme ki ç' djoû la frè shonnance di braire Gn î årè todi bén onk ki lyi frè s'n afwaire! Metoz vos a pluzieurs Et fjhoz eshonne ene partouze E tchantant do blouze... Fumier, flate, bouze!