Les mwais gueus (Compost Binde)
===============
Cåzé:
Il esteut on côp, "les mwais gueus",
pattavå les campagnes,
n' a k' on mwaisse, c' est nosse lwè.
Sournwès come des araegnes,
on broke padzo vosse toet.

Tchanté:
Pattavå les campagnes,
n' a k' on mwaisse, c' est nosse lwè.
Sournwès come des araegnes,
on broke padzo vosse toet.
Et dins tos les schaveas,
on ratind les rapias
po lzî cotaeyî l' lård
et lzî fé raetchî to leus cwårs

Cwand on boet, c' est del gote
ou adon, del xhalêye bire.
Et si on pete ribote,
on est berzingue k' c' est nén po rire.
Si on tchait so on bordjoes,
on lyi vude les potches di s' marone,
et on l' sôle å peket
po k' fouxhe angueulé a s' måjhone

Rifrin:
On vs lairè on bristol
si vos passez so nosse voye.
On vs taenrè l' camizole
del hanete djusk' al roye.
Vos liårds, mes beas môssieus
vont fé bråmint d' ureus.
Ns estans les mwais gueus

S' forbouter come on tchvå
c' est po les mougneus d' bon Diè
On s' dene ddja assez d' må
a sonner les gros bounets.
On s' edoime al rozêye,
on s' dispiete al vesprêye.
Cwand vént l' niût, c' est l' awousse
po tos les côpeus d' boûsse.

S' on est todi on cint,
c' est po esse inte soçons,
et s' on a des bastons,
c' est po tchessî l' lapén.
On a des longs couteas
djusse po côper nosse tchå,
et des gablous, l' pea
ene miete cwand i fåt

(rifrin)

Pus cagnårds k' clint Eastwood,
pus coriants k' John Wayne,
Et si vos vloz k' on schoûte,
fåreut sacwants nouvinnes.
Dès k' on voet nos tcheretes,
li clotchî soune a moirt.
C' est k' on a l' diale å coir,
ki s' volonté fouxhe fwaite!!!

(rifrin) (bis)