Tchanson a la carte (Compost binde) =================== Di diale! I m' end est co arivé ene. A èn etermint, dj' a stî ayir, D' on djonne ome di septante ans Et troes samwinnes, A l' ofertwere, c' est m' cåte do pårti k' dj' a leyî! Fåt cwand minme bén avouwer K' on fwait tot çk' on pou po tot comeler. Les dierins, c' est seur nén les grossès panses di bankiers. Mes omes, i savnut bé; Po t' fé payî comint fåt fé. Ci côp la, z'ont co stî les prumîs Po rastrinde leu nombe d' ovrîs. A t' fé siervi d' ene cåte a l' plaece Des beas biyets Et a tel fé payî cwand t' î a stî abitouwé. Dji m' dimande cwand minme ene miete Djusk' a-z ewou est çk' i s' arestront Li djoû k' tos les liårds seront stokés So disketes. Waite ki m' boutchî m' denrè Do virtuwel djambon! Mins dins tot ça, ci ki m' fwait peu C' est d' end awè on djoû céncwante deus. I m' a ddja falou 24 ans po-z aprinde li couyon, Mins waite! Pol whist, pon d' tchance, Dji srè mougnî des molons