Tchanson des berôleus (Compost Binde)
=====================
Tagada tagada rivla l' solea,
c' est bon po mes årteas,
les pyes sont dislaxheyes
et dji m' rafeye,
d' les vey e ptite tinowe,
ptete minme miernowes.

Tagada tagada rivla l' solea,
et fir come on cokea,
dji m' va tchessî comere,
po fé m'n ivier,
po ristchåfer m' måjhone
eyet m' marone.

Tagada tagada rivla l' solea,
Miyene Fine ou Julia,
dji m' fou d' comint on l' lome,
dji so èn ome,
et i m' fåt ene sakî
po pleur purdjî.

Tagada tagada rivla l' solea,
d' Furnaire a Tcheslinea;
dji frè totes les dicåces,
minme a Balåsse,
cotchessî les crapådes,
po cwand dj' a schôpe.

Tagada tagada rivla l' solea,
l' ivier serè rade la,
ossu rade ki l' bea tins,
c' est l' bon moumint
po l' evoyî å diale
come ene macrale.

Tagada tagada rivla l' solea,
tos leus betchi-betchas,
c' est tos des rablagadjes
po t' mete a l' lache;
fåt cori lon erî
po nén esse aloyî.