Tén vo nos rla?! (Compost Binde) ================ On-z est la, cor on côp Pol fiesta et fé zoubler les bouchons, Po rovyî les contribucions... et l' televuzion. Dj' è respond, c' est tot bon, Ns alans rnairi vos orayes a fond. On-z est la, efoufyîs, di esse la! On-z est la, bén d' aplomb, Po vos mostrer pa dzo l' pavêye, l' såvlon, On mixed-grill di nosse payis parfond... et d' co pus lon. Tot ça sins pretincion, Po s' fé plaijhi et vos diner do bon. Pol pognon, i gn a ds ôtes å balcon. On-z est la, foirt binåjhes di esse la! On-z erva å tcherbon, Mårtea-pikeu et gretes di plomb, Po vos fé sôtler djusk' å plafond... et pus hôt. Et l' blouze-rok e walon, Est dins vosse cour c' est nén ene edvincion. L' cia k' s' è vante, il a minti plin s' panse! On-z est la, c' est dicåce di esse la! On-z est la, efoufyîs, di esse la!