LI BLANKE DAME			RONDEL

Li nivaye, come on blanc mantea
So nosse tere a toumé cisse nute
Flotche a flotche, et dispoy meynute
Ricovrant tot, del veye ås bwes.

Li froed vint d' fevrî ås ôneas,
mete des dinteles di glaece tote nute.
Li nivaye come on blanc mantea
So nosse tere a toumé cisse nute.

Catchîz vs mamés pitits oujheas
Dizo l' aile di vosse mére, pol nute,
doirmez, dimwin et l' djoû ki shût
tot avå l' Årdene on voerèt
Li nivaye, come on blanc mantea

1981 - Gabrielle