Åblete dins l' poujhete (Compost Binde)
=======================
Longue et soupe et ene ligne incroeyåbe
Avou on côp d' rin inimadjinåbe;
si ti m' atrapes saye todi di m' ritnu
Dji ride, wespeye, m' cotape,
dji l' racrapote et ruwe.

Åblete dins l' poujhete:
iys ronds vinte plat;
dji so-st ene åblete dins l' poujhete;
Pont d' doets pont d' tchiveas,
dji n' so rén k' ene fafiote di pexhon,
djusse del blankè tchå sins pretincion.

Dji vike dins d' l' aiwe
k' tåreus peu d' mete tes pîs
C' est nén di m' fåte c' est nén mi k' l' a manni
A mn åjhe dji dmeure a l' sôrteye do Hoyou
Fé moens froed et çk' on î mougne a bråmint pus d' gout.

Åblete dins l' poujhete:
iys ronds vinte plat;
dji so-st ene åblete dins l' poujhete;
Pont d' doets pont d' tchiveas,
dji n' so rén k' ene fafiote di pexhon,
djusse del blankè tchå sins pretincion.

En mai fwait çki t' vous c' est po mi eto
Å minme moumint on pete evoye tertos
On rmonte li corant å pus lon k' on pout
Et on s' frote les schayes 
ås minmes sôrteyes d' egout.

Åblete dins l' poujhete:
iys ronds vinte plat;
dji so-st ene åblete dins l' poujhete;
Pont d' doets pont d' tchiveas,
dji n' so rén k' ene fafiote di pexhon,
djusse del blankè tchå sins pretincion.

Fåt trop s' djoker
des voraces a grandes gueuyes
Ki vicnut bén k' a cåze di leu côp d' cawe
On va grognî et si noyî tertotes.
Tos ces bribeus d' tchå n' fotant rén iront s' fé fote.

Gn åreut (pus) k' (des) aretes dins l' poujhete
Sins iys sins pia
Pus rén k' des aretes dins l' poujhete
Pont d' tchå pont d' crås
Ene miete di moens dins l' bouyon del viye
Mins sins mi mancrè todi ene sakî.