Rascourti do raploû rfondaedje do 15 di måss 2002 a Transene ============================================================ (rascourti fwait abeye abeye, ca dj' endè va ciste arpès nonne) Estént prezints: Lucyin Mahin, Tirî Dumont, Pablo Saratxaga Li 4e mimbe del tåvlotêye rifondaedje n' esteut nén la, mins aveut dné si acoird po shure les decidaedjes ki srént fwaits. 41 des 43 ponts discutés ont stî decidés ============ * Decidaedjes di sacwants mots: - tchoezi (li viebe) - aessi (fr: éssieu) (purade ki "aeshi", li foûme "achi" estant purade en foûme picåde, les foûmes pår walones estant assi, èssi) - s(i)tocfeshe (vey esplicant motî si vos n' kinoxhoz nén ç' mot :) ) - taexhon - tîce (1/3); les parints avou "c" estant pus nombreus k' avou "s" on-z a rfondou so "c" pol bodje --> tîçlet, Tîce-Daegn,... - tchoi (ôte tchoi); sicrijhaedje atåvlé pa LH, accepté (el plaece di "ôte tchè", "ôte chôze") - paski (li foûme "pace ki" est on copiaedje do francès, mins i gn a nole råjhon d' aveur ene disclapêye foûme avou on mot "pace" ki n' egzistèt nole påt d' ôte) - schôpe, bresse. (les foûmes "brès", "schôp" ni sont nén wårdêyes) - veler, velaedje, velire (purade ki veal-, les parints des mots avou -ea si fjhèt sol femrinne foûme -ele; dj' ô bén, chal, so on forveyou mot "vele"; d' ostant pus ki l' prononçaedje "vialer" n' egzisteye nén). - chal/cial: les deus foûmes sont acceptêyes; "chal" estant li foûme corante, "cial" po les cis ki vorént scrire ene miete "al viye môde" (on pot come avou roy/rwè) - fwait (do viebe fé) et ses parints: totafwait, totafwaitmint, sifwait, sifwaitmint (mins nén l' viebe "afaiti"). - pwin, mwin, fwin, dimwin ==> nén decidés, a tuzer co ene miete: m(w)aisse, djerm(w)in, tchim(w)in, p(w)aire * les tchapeas: li rîle do raploû di dvant (pont d' tchapea so e, i, ou, u pa dvant "r" et "y") a stî elårdjeye po ces letes la pa dvant doûce cossoune (b, d, dj, g, j, jh, v, z): Lidje, live, libe, tigue, shijhe,... ces voyales la, a cisse pozucion la sont tofer longowes (ou a 99,99%), nén mezåjhe di mete li tchapea. (on voerè si on toume so ene egzepcion ou deus, mins ci sreut des egzepcions adon; dji pinse ki ça sreut l' cas pol betchete noû- metans "noûrecsisse" purade ki "nourecsisse") "o" pa dvant "y" n' a pont d' tchapea nerén; çou ki fwait k' on scrit "poy" po les deus mots (=pwel, =pwi,pu), eyet ouy po (=î,=enute) * pus d' on a-bole dins on mot. LM n' inmît nén telmint ca sovint c' est des "å" diferins dins leu manire di roter (metans "målåjhey", po bråmint des djins k' i gn a les deus "å" ni s' dijhèt nén parey). mins pol lodjike divintrinne do lingaedje et do scrijhaedje, on mete les å: nåcion --> nåcionål, åjhey --> målåjhey, evnd. * vs/ns: les foûmes sipotchêyes di "vos" et "nos" sont "vs" et "ns", avou prononçaedje [f] et [n] pa dvant on mot cminçant pa cossoune, ou al fén del fråze, et [vz] et [nz] pa dvant on mot cminçant pa voyale: "dji vs fwait", "voloz vs ?", "dji vs a dné". * mu/m' dju/dj': deus foûmes, sorlon k' on prononce li "u" ou nén. (dinez m', dene mu) * cwand li mot "ci" si spotche pa dvant on mot ki cmince pa cossoune, oudonbén a, o, u on l' sicrirè "ç' ", et "c' " pa dvant les mots ki cmincèt avou "e", "i", "y" (minme lodjike ki po c/ç å dvins des mots). * o sins tchapea: po les mots ki n' ont ki les prononçaedjes ô, o, mins måy di "oû". dj' ô bén, "ô" est on betchfessî: ô/oû (et pa côps "on" ossu). mins cwand "oû" n' egzistèt måy o nscreye "o": obe (li mousmint po les curés), oto, otomatike, limero, buro,... * cwa-: les mots ki vnèt d' ene raecene etimolodjike "4" si scrijhèt sol bodje "cwa-"(ou cwå-: cwate, cwarante, cwareme, cwarmea (purade ki cwaer-). cwårt, cwår, cwåré,... * we/oy: rifondaedje sol foûme "oy": doyén, moyén, voyale,... gn a pus ki: vwès, pwel (mins poy egzisteye eto), rwè (mins roy egzisteye eto (come vî mot)). ossu, "rwè" e-st ene miete sipeciål, ca les noveas derivés si fjhèt sol bodje "rwè" (mins des vîs derivés egzistèt sol bodje roy: royinne, roytea) * w/g: li "w" est purade eployî si l' prononçaedje "w" egzisteye, ou bén a-st egzisté: want, wangnî, waeranti, Wiyåme, Wåtî,... * oudonbén: LM pinse ki l' etimolodjeye c' est "ou don bén". adon, on screye "oudonbén" purade ki "oudobén" ou "oudôbén". * årtikes: les troes foûmes sont "on", "ene", "èn". (dj' ô bén, li foûme "èn ome" riplaece "in ome" eployî davance pa LM et PS). * e/en: li foûme pol divancete "e" pa dvant voyale est "en", nén "e-n": "e walon, en inglès" * les futeurreces et condicioneu des viebes ont ene seule foûme (-roz et -reu/-reus/-reut) po tos les groupes. TD nos esplica ki tos les romans lingaedjes fijhèt li codjowaedje do futeur sol foûme do prezint do viebe aveur. * -exhe do sudjonctif ni prind nén d' accint (li seulès egzepcions pol rîle des "è" c' est: -èt do codjowaedje do prezint, "è" (=~ endè), èn (=foûme di "ni" (èn nén voleur)) eyet "èn" årtike (èn ome, ene feme) * djivêye di mots k' ont-st on rshonnant parint français avou euil/oeuf: si scrijhèt avou "oû": boû, foû, oû, doû, soû, i ploût, il a ploû. * djivêye di mots k' ont-st on rshonnant parint français avou uit: si scrijhèt avou "ut" (sins tchapea, les prononçaedjes sont pa côps courts, pa côps longous): nute, brut,... * viyaedje/violon: ene mwaisse rîle a stî trovêye po tos ces mots k' on des foûmes avou C-y-V eyet C-i-y-V: on screye todi avou rén k' on "i", såf cwand i gn a ene alternance y/l la on mete li "y": viyaedje purade ki viaedje cåze k' i gn a "viladje"; mins violon (i gn a pont di *"vilolon"), "biyet" (ca gn a "bilet"), mins "avion" (pont di *"avilon")... * on rfond sol foûme "finiesse", etimolodjike. (mwaisse rîle: on screye nén les assimilåcions). * {2,3,6,10}-{inme,inne}: on rfond avou ene foûme jh: deujhinme, troejhinme, shijhinme, dijhinme (eyet -inne). po shijh et dijh c' est assez lodjike; po deus et troes ça shût l' rîle des -s al fén ki divnèt jh (metans croes -> croejhlåde,...). on a shuvou li lodjike divintrinne do scrijhaedje purade ki l' fonetike. * -ale/-ele: li foûme sitandård est -ele: novele, bele, båshele,... -ale est eployî eto, mins seulmint cwand c' est vormint li pus lådje oyowe, metans: macrale, naçale,... djivêye des mots avou -ale a fé. * lyi, fyi; purade ki lî, fî. on î (=ouy), des îs (=ouys). * wice ki: li mot "wice" (minme si, istoricmint, c' est on aclapaedje di "*w çki") a divnou on mot bén da lu, ki fwait des derivés di manire erîlêye (sawice, come sakî, sacwant,...). adon on screye "wice ki". po les ôtes on wåde "çki": ou çki, eyou çki, ewou çki,... * dimey/emey/meynute: sins tchapea sol "e", ca gn a des plaeces wice k' on prononce i(y). * -åjhe/-åxhe: li cawete åjhe est prindowe (TD aveut dné ene foirt spepieuse råjhon ki m' a fwait candjî d' idêye, mins djel a rovyî :-( ) * famile/cedile/vanile: on wåde -ile, on rfond nén so -eye. råjhon: les foûmes -ile, pus diferinnes do francès, sont les cenes eployeyes pus voltî pås rcåzeus. * bråmint purade ki branmint, ca etimolodjeye: bråve-mint. * -ipse -> ipe; -iste -> isse, -ipst-,-ibst- --> -st- (eg: sustantif purade ki suptantif; on shût li môde d' asteure et nén li cene d' i gn a 200, 300 ans po l' adaptaedje des mots) * deus djivêyes: for (po cure), four (po les biesses magnî) et leus parints: for, eforner, eforneuse, disforner,.... four, rafôrer, fôraedje,... * poye/foye/... o nrfond sol foûme "oy" purade ki "ouy" (eg: poye purade ki pouye) * egueuyî, ebiessî, emierder come calcaedje des viebes francès engeuler, embêter, emmerder; purade k' eployî patezak les foûmes francesses. * les foumes coinreces "vis" (Lidje) et "vus" (Hôte Årdene) ni sont nén wårdêyes, on eploye rén ki "vos" e rfondou. * on pout scrire "del" ossu bén ki "di l' " (mins bén sovint li tchûze si frèt sorlon wice ki l' accint del fråze toume, eg: "djel a dit", mins "di l' aiwe"; mins c' est pår målåjhey di scrire ene rîle po çoula: on accepte "del" et "di l' " po tos les cas. * li cawete -at ki corespond ås -at,-ato,-ado,... des ôtes romans lingaedjes est wårdêye. -a n' e-st eployî ki pol cawete walone -a, k' est diferinne. (eg: Estat, rezultat,... mins shofla,...) * les mots a loyeures si scrijhèt avou les loyeures ki rplaecèt les spaces: a-d'-coloûte, k'-estént-la (et nén a-d'coloûte ou a-d-coloûte) * li "j" di "balouje" est rfondou e jh: baloujhe. parey po d' ôtes mots ki n' egzsitèt nén la wice ki jh = h. on shût li lodjike divintrinne do lingaedje, purade ki l' fonetike. Les deus mots "baloujhe" et "balowe" sont metous e motî. * burtale/aburtale, rantoele/arantoele: on wåde deus foûmes po les kékes mots k' ont ene foûme avou ene betchete a- * codjowaedje: rifondaedje so -ye purade ki -xhe: ki dj' fwaiye, ki dj' voye, ki dj' poye,... (purade ki: ki dj' fwaixhe, ki dj' vouxhe, ki dj' pouxhe,...) * ki dj' soeye (di "esse") e-st erîle so ki dj' voeye (di "vey") * propozaedjes nén acceptés: sitandaedje del sorwalonde i -> u (eg: munute, televuzion,...) po d' ôtes mots avou "i": neni. k/tch (eg: candjî/tchandjî, blanke/blantche,...): on, n' prind nén les deus foûmes mins candjî, blanke,... (a fé ene djivêye) motoit k' on wårdreut kékes dobes, mins ci sreut l' egzepcion et nén l' rîle. ** sacwès nén decidêyes, a tuzer pol côp shuvant: vey si l' sistinme eur/ur (eg: Nameur, namurwès) si pout eployî pô d' ôtes cas, corwaitaedje a fé pa PS. ====================== Rascourti do rascourti: les grands candjmints sont: - pont d' tchapea po e i ou u pa dvant: b, d, dj, g, j, jh, r, v, z, y. - les troes årtikes sont: on batea, ene feme, èn åbe - sistinme C-i-V/C-iy-V on tchoezixh li prumire, såf si li yod a-st ene foûme coinrece "l" (come viyaedje/viladje) -- Ki ça vos våye bén, Pablo Saratxaga http://www.srtxg.easynet.be/ PGP Key available, key ID: 0x8F0E4975