Djivêye di tos les ponts et rîles dédjà decidêyes po l' ortografeye do rfondou walon

Cor on côp: po l' ortografeye do rfondou, nén po les rfondants, po çoula lejhoz li pådje [waibe rifondants]

Dressêye:

  1. cosounes nén oyowes al finåle: il a stî decidé di les wårder: -mint, mins, sins, payis, moes.
    Atincion al diferince inte li cawete walon "-a" (eg: shofla) et li cawete latene "-at" (eg: rizultat) (årtchives "rifondaedje" sol sudjet: 381 394 420 )
  2. a bole (å): betchfessî scovrant â/ô/au; sront ossu scrits avou "å" li mot "liårds" (el plaece di liârds), et les nos d' plaece Spå eyet Ståvleu. (loukîz li pådje di prezintaedje del a bole des cours do Noû Lovin po pus di detays). (årtchives "rifondaedje" sol sudjet: 19 23 )
  3. nos d' plaece: po les nos d' plaece, i fåt sayî di trover on scrijhaedje ki shurè les rîles do rfondou (eg: Spå, Bårxhon, Nameur, Vervî,... -> disflaflotaedje et eployaedje des betchfessîs); les foûmes nén betchfessêyes (mins disflaflotêyes) sont ossi acceptêyes (eg: Spâ, Bârchon, Borhon,...), mins nén preferêyes. NOTE: a pårt po les nos di Spå, Ståvleu, Lidje, Nameur,... i dmeure co a decider po ls ôtes (årtchives "rifondaedje" sol sudjet: 147 430 454 458 )
  4. betchete oto- (do grek "avto"): srè scrite oto-, sins tchapea. li mot "oto" (=vweteure) srè scrit sins tchapea nerén.
  5. ae: li modele d' eployaedje do betchfessî est l' ci di "glaece". måy po on rpartixhaedje inverse ("è" å coûtchant eyet "a" å ponant). les foûmes avou "a" a l' aschate do picård dismetant ki ôte på c' est "e" (eg: bras/bresse, tchat/tchet, ...) on lai tchaire. po des "e" årdinwès k' ôte på c' est "a" (eg: tchapea/tchepea, dj' a/dj' e) on lai tchaire avou. såf, po sacwants mots k' i gn a on "e" so tot on crexhant å ponant walon (adon, li decidaedje c' est sorlon kel foûme egzisteye ossi do costé di Mâmdî). (pådje di prezintaedje do "ae" des cours do Noû Lovin). (årtchives "rifondaedje" sol sudjet: 2 18 22 )
  6. ai/ê: ai metou po les mots ki vnèt d' on mot francès avou "ai", ou d' on mot latén avou "a" (eg: aiwe). li viebe "traire" (=mode) a stî candjî di trêre -> traire (traitoe vinreut d' la ossu). pol cawete -ê, li scrire -ea cwand c' est ene cawete -ea bén ricnoxhåve (eg: raptixhant -tea). macrê -> macrea (ca femrin macrale) a decider å cas pa cas, bourea, evnd. egzimpe d' on candjmint inverse: drapia -> drapea (drapê n' egzisteve nén) (pådje di prezintaedje do "ai" des cours do Noû Lovin). (årtchives "rifondaedje" sol sudjet: 129 132 139 )
  7. b/p: les cawetes -åbe (capåbe,...) et -ibe (possibe...) sront scrites avou on "b". lepe (derivé: leprin), avou 'p', come en inglès :) kesse: Bipe ou Bibe ?
  8. c/k, c/ç: acoird so l' alternance grafike pol son [k] et [s]. adjinçner, adjinçneu, adjinçmint. (nén adjinsner...) (årtchives "rifondaedje" sol sudjet: 17 26 40 204 )
  9. e/è: l' accint est metou seulmint cwand otrumint si sreut on moya e, dj' ô bén al fén des mots. ossi pol codjowaedje -èt (foûme prezintrece po les xhoûtants) les mots "et", "eyet", "e", "el" (e + li) si scrijhèt sins accint (atincion, diferince è != e. "è" c' est rén ki pol foûme di ennè/endè (eg: "prindoz è"). dj' a rouvyî l' latene etimodjeye; Lorint? pupont di "è" pol betchete re- (ri- + e-, è francès re- + en-), eg: refoirci, recwårlant, ... note: fåreut mete çoula bén clair el croejhete; mi dj' a creyou, disk' å raploû, ki c' esteut ene foûme coinrece di ri- (betchete di dobelmint)
    rîle des "è": on "è" si scrit tofer "e", såf:
    (pådje di prezintaedje do "e" des cours do Noû Lovin). (årtchives "rifondaedje" sol sudjet: 420 )
  10. é/è (addj. & participes): li foûme -é a stî prindowe po les participes et addjectifs.
  11. en/én: rifaflotaedje tot avå (såf cwand c' est [e] + [n] bén seur). a fé: djivêye des mots avou "én" ou avou "in". (pådje di prezintaedje do "én" des cours do Noû Lovin). (årtchives "rifondaedje" sol sudjet: 46 53 155 )
  12. éye/êye: li diferinciaedje eye/êye(éye) esteut ddja fwait, c' esteut djusse ene afaire di decider li manire del scirire, avou "é" ou "ê". li foûme "êye" a stî prindowe. Adon: -êye pol femrin di -é, et ossi po les mots di contnince (pougnêye, waitroûlêye,...) --> bresseye: participe femrin do viebe bressi, dismetant ki bressêye: çou k' i gn a come cwantité. (årtchives "rifondaedje" sol sudjet: 45 55 )
  13. -er,-èr,-êr: po les mots ki finixhèt avou -er avou on oyou "r", sicrijhaedje sins faflote: -er: cazer, laminwer, bunker,...
  14. gy: eployî seumint pa dvant î, eg: begyî. ( -g + -yî ), les ôtes foûmes c' est avou gu: begiueu, beguiant,... a mete el croejhete ca c' est diferint do francès (wice k' on gy ([gj]) n' egzisteye nén). A noter ki c' est diferint di cy ki lu si prononce [sj]
  15. ût/yût/hût, åk/yåk, esse/yesse: ni sont wårdêyes ki les fôumes ût, åk, esse. li yod estant fonetike. li mot "yebe" est sicrit avou "y", nén come li foûme lidjwesse "jebe". ene si scrit "ene", måy "yene". gn a pus ki "yeu" (=avou, do viebe esse).
  16. j/dj: les sorwalondes avou dj sont preferêyes (djeometreye, djindård,...) såf po les mots ki ci scrijhèt avou "j" dispoy lontins: jate, Beljike. kesse: et po des nos d' plaece d' ôtes payis? (pådje di prezintaedje do "dj" des cours do Noû Lovin).
  17. ije/ijhe: eployaedje del foûme -ijhe, minme si po sacwants mots li realizaedje -îhe n' egzistêye pus, i gn a co motoit des plaeces wice k' i vike co, èt co tote ene banslêye di mots wice k' on ôt bén li /h/; adon, -ijhe est erîlé et pus lodjike. Mins -ijhe si pout prononcî -ije, -ihe, -ize (minme rimåke po -Vxhe di l' erirece durant: -Vche, -Vhe, -Vsse). eg: eglijhe, falijhe, shijhe, fraijhe,
  18. ki-/co-/c-: les deus foûmes ki-/co- sont acceptêyes del minme manire. po les diccionaires, li classifiaedje si frè al intrêye ki-, l' intrêye co- dirè "rl a ki..." (årtchives "rifondaedje" sol sudjet: 10 41 42 61 69 70 71 )
  19. ri-/er-/r-: les deus foûmes ri-/er- sont acceptêyes del minme manire. po les diccionaires, li classifiaedje si frè al intrêye ri-, l' intrêye er- dirè "rl a ri..." (årtchives "rifondaedje" sol sudjet: 42 61 69 )
  20. si-/es-/s-: les deus foûmes si-/es- sont acceptêyes del minme manire. po les diccionaires, li classifiaedje si frè al intrêye si-, l' intrêye es- dirè "rl a si..." (årtchives "rifondaedje" sol sudjet: 42 61 69 70 )
  21. oi/wae: oi est wårdé. atincion k' i gn a ossi kékes "wae" (waeraxhe, waerglaece, waezon, ewaerer, waeranti,...) (årtchives "rifondaedje" sol sudjet: 50 138 )
  22. oe: nou probleme. ossi eployî po des nos d' usteye (prononçaedje û/oû el basse Årdene) --> diferince -eu (li fjheu di l' accion) -oe (ene usteye ki fwait l' accion). eg: on corwaiteu (fr: un examinateur, un technicien de contrôle), on corwaitoe (fr: un moniteur, un appareil de contrôle)
  23. oen: wårdé. mins i gn a waire di mots, tertos sont la dvins: moens, poenne, voenne, avoenne, moenne, patrimoenne, antimoenne (et derivés). Lorint a ossi trové ki ça poreut aler pol viebe moenner (mwinner, mwirner, miner,...) li codjowaedje a bråmint des disrûlêyes (nén les minmes sorlon les dialekes), mins cwand il est erîlé, i rote del minme manire ki po les ôtes mots avou l' betchfessî "oen". li codjowaedje di rferince po moenner dvreut esse fwait pus tård.
  24. q: måy eployî. (årtchives "rifondaedje" sol sudjet: 3 60 )
  25. sh/si: seur (et nén sheur), sourdant (et nén shoûrdant). ossu, po les alternances [sj] / [S] on eploye "si" (ou "ci"): eg: sierveu, atincion,... li [S] est li reszultat d' ene assimilåcion s+i, del minme manire k' i gn a t+i et d+i. "sh" c' est rén ki pol alternance [s] / [S] ps: avou l' cawete -ea l' alternance [sj] / [S] n' egzistêye ki pol prononçaedje -ia: pourcea, moncea,...
  26. u/ou: "ou" est preferé, djivêye a fé pol tchuze di "u/ou" divintrinnint. egzepcion: "u", "udobén", "ucobén" come sinonimes di "ou", "oudobén", "oucobén".
  27. apostrofes: del minme manire k' on mete "cmincî", "rfé", et nén "c'mincî", "r'fé", on metrès "vs", "ns", "ls" el plaece di "v's", "n's", "l's". -> li "s" si pout ôre ou nén sorlon li mot shuvant: "s' i vs plait" (/sifplê/), "si vs avez" (/sivzavé/). Ossu al fén des fråzes, eg: "voloz vs?" (/volof/). Çu ki fwait: MÅY di dvintrinnès croles.
    mu/m' dju/dj' : deus foûmes, sorlon k' on prononce li "u" ou nén. (dinez m', dene mu)
    (årtchives "rifondaedje" sol sudjet: 32 38 155 201 209 253 254 272 386 420 )
  28. cas des mots ki cmincèt pa disch- : il a stî decidé kel "i" ni si spotchrè måy dins li scrijhaedje dins ci cas la. [P.S.: tot rivnant al måjhone dj' a stî vey dins les rîles del croidjrece ispell et dji veya ki c' esteut ddja l' cas; et ossi tos des viebes (ou derivés di viebes)] NOTE: propôzucion di stinde kli rile po tos les mots C-i-sch (årtchives "rifondaedje" sol sudjet: 433 )
  29. cas des mots k' atakèt avou sch- : chal li probleme c' est ki, dins les plaece wice ki "sch" = "sk" on "i" si pout mete etur li "s" eyet l' "k". Mins c' est nén possibe avou li scrijaedje e rfondou, on n' pout nén côper li betchfessî å mitan. I fourit decidé di n' aveur ki deus foûmes sicirtes: sch-C eyet esch-C (C: cossoune). eg: schaeye u eschaeye; schåle u eschåle; scheter u escheter;...
  30. tchuze di "xh" ou "sch": finålmint i gn a ki "aschouter" eyet "schoûter" ki nos ns avans metou d' acoird; po d' ôtes on voerè cwand on cminçrè a fé l' djivêye di mots.
  31. cas do "x": prézinté pa L.H. po l' eployî come dins d' ôtes romans lingaedjes (francès, castiyan, catalan,...) P.S. dijha k' i l' faleut prinde po tos les cas ou po nolu; dj' ô bén: x <==> gz,cs,s (ss); et nén djusse po "cs", nén "texe" eyet "egzimpe" dins l' minme ortografeye. Come li scrijhaedje "gz" est foirt eraeciné, et ki c' est onk des bokets do transcrijhaedje Feller ki n' fwait nén do toirt a l' unifiaedje do lingaedje, li scrijhaedje gz/cs/s a stî tchoezi.
    "x" n' est måy eployî, såf po "xh", dabôrd.
  32. "z": li son "z" si scrit todi "z". li sicrit "z" pout esse on [s] pa des côps (eg: rôze) mins si les derivés ont on [z], on scrit tolmine "z"; del minme manire ki po les ôtes mots avou des deures cossounes å coron; ça shût li fonolodjeye do walon.
  33. "mi, ti, si, ni" ont des dobes "èm, èt, ès, èn". I sont scrits avou on accint aigu, çu ki permete di les distinguer; leu cossoune do coron est ossi oyowe. "li" (årtike) a ossi on dobe "el", mins sins accint lu. [I n' fåreut nén djustumint fé ene diferince inte el=li, eyet el=e+li ?] (årtchives "rifondaedje" sol sudjet: 179 )
  34. "endè (end, ndè, nd)" eyet "è" sont les seules foûmes di wårdêyes pol ...[dji n' kinoxhe nén li mot di cisse sacwè la]... les foûmes ennè, enn, nnè, eyet nn ni sont nén wårdêyes pol sicrijhaedje e rfondou.
    Cwand scrire "e" ou "è": sayî di rimplacer dins l' fråze pa "dins/dins li" (si ça va, c' est "e") ou pa "endè" (si ça va, c' est "è"). [P.S.: djel sai bén, vos n' avoz seurmint nén mezåjhe di çoula pol saveur, mins mi ça m' a bén aidî; motoit ki d' ôtes lejheus di ci tecse la sront dins ç' cas avou]
  35. finåles -én/-in: li femrin din -én est -ene; li femrin di -in est -inne. (pådje di prezintaedje do "én" des cours do Noû Lovin). (årtchives "rifondaedje" sol sudjet: 185 192 )
  36. -ou/owe: les pårticipe passés eyet addjectifs si scirjhèt avou -ou/-owe, nén avou -u/-uwe. råjhon: puriveusté, pus walon. (årtchives "rifondaedje" sol sudjet: 9 )
  37. codjowaedje:
  38. assimilåcions: L.H. propoza di n' måy sicrire les assimilåcions; ci fourit accepté; i gn a pupont di "gngn" asteure; nos scrirans: djno, djnixhe, djniesse, djnolire,... I dmeure ki l' cas di Djenape/Gngnape k' on ndè djåzrè pus tård, cwand on djåzrè del manire di scrire les nos d' plaece. Les ôtes assimilåcions n' estént ddja pus scrites e rfondou. (årtchives "rifondaedje" sol sudjet: 287 )
  39. "çki": après bråmint des discutaedjes li foûme di scrire ci målåjhey atroclaedje la a stî metowe come "çki". li "i" si pout elider; metans "cwand çk' ele...."
  40. ôtes clitikes: après bråmint des discutaedjes, on wåde pol moumint deus foûmes po les rilêyes: djel, mel, tel, nel,.... djels, mels, tels,... dj' el, m' el, t' el, n' el,... dj' els, m' els, t' els,... mins måy avou "djè" (eg: °djè l', °mè l',... ni sont nén eployîs e rfondou)
  41. tchapeas: on ôte målåjhey boket. finålmint on wåde (pol moens disk' a fé l' djivêye di mots di referince et vey si on pout co afiner çoula) li rîle shuvante: on sicrit tofer on tchapea so ene longowe voyale, såf:

    Ôtrumint dit, on sicrit on tchapea seulmint:

    egzepcions:
    les cawetes -îve et -(r)îz (codjowaedje) eyet -êye (participe erirece do 1î groupe, et addjectifs) (årtchives "rifondaedje" sol sudjet: 8 34 47 182 200 202 233 234 237 238 420 462 465 )
  42. i gn a-st avou eto des decidaedjes sol foûme di sacwants mots foirt corants k' on trove avou bråmint di scritès foûmes diferinnes:
  43. fome des adviebes et mots avou -mint: les foûmes derivêyes so des addjectifs si fijhèt sol femrinne foûme eg: dous, douce --> douçmint. vif, vive --> vivmint,... noter kel prononçaedje est l' minme c' est djusse ene kesse d' ortografeye (årtchives "rifondaedje" sol sudjet: 17 )
  44. cc: li son [ks] ki vént do latén -ct- si scrit "cc": diccionaire, accion, instruccion. (årtchives "rifondaedje" sol sudjet: 132 )
  45. decidaedjes fwaits å 3inme raploû rfondaedje a Transene. (vey li rascourti)
  47. on mot pout aveur pus d' on å: eg: nåcionål, målåjhey (årtchives "rifondaedje" sol sudjet: 195 273 420 )
  48. ci / c' / ç' : cwand li mot "ci" si spotche pa dvant on mot ki cmince pa cossoune, oudonbén a, o, u on l' sicrirè "ç' ", et "c' " pa dvant les mots ki cmincèt avou "e", "i", "y" (minme lodjike ki po c/ç å dvins des mots). (årtchives "rifondaedje" sol sudjet: 420 )
  49. o sins tchapea: po les mots ki n' ont ki les prononçaedjes ô, o, mins måy di "oû". dj' ô bén, "ô" est on betchfessî: ô/oû (et pa côps "on" ossu). mins cwand "oû" n' egzisteye måy on screye "o": obe (li mousmint po les curés), oto, otomatike, limero, buro,... (årtchives "rifondaedje" sol sudjet: 420 )
  50. walonijhaedje betchete cwa- ( < quat ): les mots ki vnèt d' ene raecene etimolodjike "4" si scrijhèt sol bodje "cwa-"(ou cwå-: cwate, cwarante, cwareme, cwarmea (purade ki cwaer-). cwårt, cwår, cwåré,...) (årtchives "rifondaedje" sol sudjet: 266 420 )
  52. we/oy: li rfondaedje si fwait so "oy" (foûme istorike, eyet pus walon), eg: doyén, moyén, voyale (el plaece di dweyén, mweyén, vweyale).
    I gn a ki rwè (et ses derivés: rweyå,...), pwel eyet vwès acceptés avou "we" (eyet a costé des foûmes roy, poy). li foûme rinne est acceptêye avou, mins royinne est preferêye. (årtchives "rifondaedje" sol sudjet: 241 243 377 378 379 420 )
  53. w/g: li "w" est purade eployî si l' prononçaedje "w" egzisteye, ou bén a-st egzisté: want, wangnî, waeranti, Wiyåme, Wåtî,... (årtchives "rifondaedje" sol sudjet: 274 275 420 )
  54. oudonbén: ca l' etimolodjeye c' est "ou don bén". adon, on screye "oudonbén" purade ki "oudobén" ou "oudôbén". (årtchives "rifondaedje" sol sudjet: 420 )
  55. årtikes: les troes foûmes sont "on", "ene", "èn". (on viyaedje, ene coxhe, èn åbe) (årtchives "rifondaedje" sol sudjet: 386 420 )
  56. e/en: foûme pol divancete "e" pa dvant voyale est "en", nén "e-n": "e walon, en inglès" (årtchives "rifondaedje" sol sudjet: 420 )
  58. walonijhaedje euil/(o)euf -> oû: si scrijhèt avou "oû": boû, foû, oû, doû, soû, i ploût, il a ploû. (årtchives "rifondaedje" sol sudjet: 267 420 )
  60. walonijhaedje uit -> ut: djivêye di mots k' ont-st on rshonnant parint français avou uit: si scrijhèt avou "ut" (sins tchapea, les prononçaedjes sont pa côps courts, pa côps longous): nute, brut,... (årtchives "rifondaedje" sol sudjet: 420 )
  61. viyaedje/violon: ne mwaisse rîle a stî trovêye po tos ces mots k' on des foûmes avou C-y-V eyet C-i-y-V:
    on screye todi avou rén k' on "i", såf cwand i gn a ene alternance y/l la on mete li "y": viyaedje purade ki viaedje cåze k' i gn a "viladje"; mins violon (i gn a pont di *"vilolon"), "biyet" (ca gn a "bilet"), mins "avion" (pont di *"avilon")... (årtchives "rifondaedje" sol sudjet: 175 177 280 384 420 431 438 441 446 452 )
  62. finiesse: on rfond sol foûme "finiesse", "djiniesse" etimolodjike. (mwaisse rîle: on screye nén les assimilåcions). (årtchives "rifondaedje" sol sudjet: 287 420 )
  63. {2,3,6,10}-{inme,inne}: on rfond avou ene foûme jh: deujhinme, troejhinme, shijhinme, dijhinme (eyet -inne). po shijh et dijh c' est assez lodjike; po deus et troes ça shût l' rîle des -s al fén ki divnèt jh (metans croes -> croejhlåde,...). on a shuvou li lodjike divintrinne do scrijhaedje purade ki l' fonetike. (årtchives "rifondaedje" sol sudjet: 420 )
  64. walonijhaedje ea -> -ele/-ale: li foûme sitandård est -ele: novele, bele, båshele,... -ale est eployî eto, mins seulmint cwand c' est vormint li pus lådje oyowe, metans: macrale, naçale,... djivêye des mots avou -ale a fé. (årtchives "rifondaedje" sol sudjet: 267 396 420 )
  65. lyi, fyi: purade ki lî, fî.
    on î (=ouy), des îs (=ouys). (årtchives "rifondaedje" sol sudjet: 386 420 422 423 )
  66. wice ki: li mot "wice" (minme si, istoricmint, c' est on aclapaedje di "*w çki") a divnou on mot bén da lu, ki fwait des derivés di manire erîlêye (sawice, come sakî, sacwant,...). adon on screye "wice ki". po les ôtes on wåde "çki": ou çki, eyou çki, ewou çki,... (årtchives "rifondaedje" sol sudjet: 420 )
  67. "mey" = mitan: sicrire sins tchapea: dimey, emey, meynute, meyzeure,... ca les prononçaedjes /mi/, /miy/ egzistèt eto; c' est bea-z et bén on betchfessî "ey", dabôrd. (årtchives "rifondaedje" sol sudjet: 288 420 )
  68. anêye: li scrijhaedje normålijhî est anêye (årtchives "rifondaedje" sol sudjet: 288 293 )
  69. -åjhe/-åxhe: li cawete åjhe est prindowe. (årtchives "rifondaedje" sol sudjet: 365 420 )
  70. famile/cedile/vanile: on wåde -ile, on rfond nén so -eye. råjhon: les foûmes -ile, pus diferinnes do francès, sont les cenes eployeyes pus voltî pås rcåzeus. (årtchives "rifondaedje" sol sudjet: 420 )
  71. bråmint: purade ki branmint, ca etimolodjeye: bråve-mint. (årtchives "rifondaedje" sol sudjet: 366 420 )
  72. -ipse --> ipe; -iste --> isse, -ipst-,-ibst- --> -st- : (årtchives "rifondaedje" sol sudjet: 371 381 388 420 )
  73. deus djivêyes: for (po cure), four (po les biesses magnî) et leus parints: for, eforner, eforneuse, disforner,.... four, rafôrer, fôraedje,... (årtchives "rifondaedje" sol sudjet: 376 420 )
  74. poye/foye/...: on rfond sol foûme "oy" purade "ouy" (rg: poye purade ki pouye) (årtchives "rifondaedje" sol sudjet: 162 166 377 378 379 420 )
  75. gueuyî, ebiessî, emierder: ome calcaedje des viebes francès engeuler, embêter, emmerder; purade k' eployî patezak les foûmes francesses. (årtchives "rifondaedje" sol sudjet: 372 380 388 420 )
  76. vos/vs: les foumes coinreces "vis" (Lidje) et "vus" (Hôte Årdene) ni sont nén wårdêyes, on eploye rén ki "vos" (et "vs") e rfondou. (årtchives "rifondaedje" sol sudjet: 386 420 )
  77. del/di l' : on pout scrire "del" ossu bén ki "di l' " (mins bén sovint li tchuze si frè sorlon wice ki l' accint del fråze toume, eg: "djel a dit", mins "di l' aiwe"; mins c' est pår målåjhey di scrire ene rîle po çoula: on accepe "del" et "di l' " po tos les cas. (årtchives "rifondaedje" sol sudjet: 283 420 )
  78. les mots a loyeures si scrijhèt avou les oyeures ki rplaecèt les spaces: a-d'-coloûte, k'-estént-la (et nén a-d'coloûte ou a-d-coloûte) (årtchives "rifondaedje" sol sudjet: 391 395 397 420 )
  79. codjowaedje: rifondaedje so -ye purade ki -xhe: ki dj' fwaiye, ki dj' voye, ki dj' poye,... (purade ki: ki dj' fwaixhe, ki dj' vouxhe, ki dj' pouxhe,...) (årtchives "rifondaedje" sol sudjet: 407 420 )
  80. ki dj' soeye (di "esse") e-st erîle so ki dj' voeye (di "vey") (årtchives "rifondaedje" sol sudjet: 407 420 )
  81. sacwants nos chimikes: tåvlea da Mendeleyev (årtchives "rifondaedje" sol sudjet: 425 426 428 429 432 435 436 )

    Nén co decidés



    ** nén decidés, a tuzer co ene miete: m(w)aisse, djerm(w)in, tchim(w)in, p(w)aire ** sacwès nén decidêyes, a tuzer pol côp shuvant: vey si l' sistinme eur/ur (eg: Nameur, namurwès) si pout eployî pô d' ôtes cas, corwaitaedje a fé pa PS.
  82. gw/w: "gw" (vinant sovint di "gu" francès) est replaecî pa "w": linwistike, linwe,.... råjhon: erîlé sol modele di "linwe".
  83. -trin: (årtchives "rifondaedje" sol sudjet: 11 12 14 )
  84. e-/in-: (årtchives "rifondaedje" sol sudjet: 28 )
  85. eu/u: (pådje di prezintaedje do "eu" des cours do Noû Lovin). (årtchives "rifondaedje" sol sudjet: 33 34 35 36 37 84 86 )
  86. cloyowe/drovowes voyales: Vey les årtchives so les sudjets: longowès/coûtès voyales (tchapeas), eu/u, (ôtes årtchives "rifondaedje" sol sudjet: 79 81 84 86 182 202 233 234 237 238 274 275 459 )
  87. leune / lune ; feume / feme : (årtchives "rifondaedje" sol sudjet: 427 )
  88. ponts k' on-z a-st ataké a discuter, mins k' i gn a-st avou nou decidaedje:
Rifondants (årtchives "rifondaedje" sol sudjet: 235 236 239 275 )

rivni al mwaisse pådje